ಅಮ್ಮಾ
ನಾಳೆ ನಮ್ಮ ಬಾಂಧವರಿಗೆ
ಹಬ್ಬವಂತೆ .
ಮೊಬೈಲು,
whatsap,
ಫೇಸ್ ಬುಕ್ಕಿನಲಿ
ಕಳುಹುವರು ಸಂದೇಶವನು
ಶುಭಾಶಯಗಳನು
ಹೊಸ ಬಟ್ಟೆ, ಬಿರಿಯಾನಿ, ಐಸ್ ಕ್ರೀಮು
ತಿರುಗಾಟ ಜೂಜಾಟ ಸಿನೆಮಾ ...
ಎಲ್ಲರ ಬಾಯಲೂ ಬಿಸಿ ಬಿಸಿ ಚರ್ಚೆ ...
ನಾಳಿನ ದಿನದಲಿ ಸಂಭ್ರಮಿಸಲು
ಹಲವರಿಗೆ ಹಲವು ಚಿಂತೆ
ಅಮ್ಮಾ ....
ಆದರೆ
ನನ್ನ ಹೃದಯದ ಬೇನೆಯನು ಕಾಣುವವರಿಲ್ಲ ..
ನನ್ನ ಗಾಯದ ನೋವ ಅರಿವವರಿಲ್ಲ
ನಾನಿನ್ನೂ ದುಃಖಿ ..
ನೀನಿಲ್ಲದ ಮೊದಲ ಬಕ್ರೀದ್ ಹಬ್ಬ ...
ನೀನಿಲ್ಲದ ಬಾಳಿನಲಿ
ಶೂನ್ಯದಲಿ ವಿಹರಿಸುವ
ನನಗೆ
ಇನ್ನೆಲ್ಲಿದೆ ಹೇಳು
ಸಂತಸವೆಂಬ ಹಬ್ಬ ..???
No comments:
Post a Comment