ಮುದ್ದು ಕಂದ ಮತ್ತು ಅಮ್ಮ

ಹಣಕಾಗಿ ದಿನವೂ 
ಪೀಡಿಸುತಿದ್ದನು ಆ ಮುದ್ದು ಕಂದ 
ಹೆತ್ತಬ್ಬೆಯನು 

ಅಂದೊಂದು ದಿನ 
ಹಣ ಸಿಗದಾಗ ಮಾಡಿದನೊಂದು
ಬೆದರಿಕೆಯ ಹೊಸ ಪ್ರಯೋಗ

ಅಮ್ಮಾ
ಒಂದರಿಂದ ಹತ್ತರ ವರೆಗೆ
ಎಣಿಸುವೆನು ...
ಅದರೊಳಗಿ ಹಣ ಕೊಡದಿರ್ದೊಡೆ
ನಾ ಹಾರುವೆನು ಈ
ಬಾವಿಯೊಳಗೆ ...

ಒಂದು ಎರಡು ಮೂರು ...
ಕೊನೆಗೆ
ಒಂಭತ್ತು ಹತ್ತು ಎಂದು
ಎತ್ತಿ ಹಾಕಿದನೊಂದು ದೈತ್ಯ ಕಲ್ಲನು
ಬಾವಿಯೊಳಗೆ...
ಅವಿತು ಕುಳಿತನು ದೂರದಲಿ

ಶಬ್ದಕೇಳಿ ಓಡಿಬಂದಳಾ
ಸ್ನೇಹ ಮಾತೆ
ಮುದ್ದು ಕಂದಾ ಎನುತ
ಹಾರಿದಳು ...

ಮಿಂಚಿಹೋದ ಕಾಲವ
ಚಿಂತಿಸಿ ಫಲವಿಲ್ಲ ...
ಮುಗ್ದೆ ಅವ್ವನ ದೇಹ
ನೀರಲ್ಲಿ ತೇಲತೊಡಗಿತ್ತು ...

ಅವ್ವನ ಮುಷ್ಟಿಯಲಿ
ನೂರರ ಗರಿ ನೋಟು
ಮುದ್ದು ಕಂದನ ನೋಡಿ
ಕಿಲ ಕಿಲನೆ ನಗುತಿತ್ತು ...