ನಾ ಓದಿದ ಶಾಲೆ .. (ಭಾಗ ೨ ) (ಅಂದಿನ ದಿನಗಳತ್ತ ನೆನಪುಗಳು ಹಿಂತಿರುಗಿದಾಗ )

ಶಾಲೆಯ 
ಮುಂಭಾಗ-ಹಿಂಭಾಗ ... 
ಅಲ್ಲ .. 
ಸಮಚತುರಸ್ರ 
ಹೇಳ ಹೊರಟರೆ 
ಅಸಂಗತ ಉಪಮೆಗಳು.. 
ಪದಗಳಿಗೆ ಬರಬಹುದು 
ಬರ .. 

ಬಲಗಡೆಯ ಹೈಸ್ಕೂಲಿನ 
ಮಾಮರ .. 
ಸೀಮೆ ದಾಟಿ 
ಕಲ್ಲು ಎಸೆದರೆ 
ಉದುರುತಿತ್ತು .. 
ಮಾವಿನ ಮಿಡಿ ... 
ಕೆ.ಟಿ ಮಾಸ್ತರ ಕೆಂಗಣ್ಣ 
ನೋಟಕೆ 
ಕಾಲ್ಕಿತ್ತು ಓಟ ... 

ಅತ್ತಕಡೆ ಸಾಲಾಗಿ ನಿಂತ 
ಜಾವ ಬೈಕುಗಳು .. 
ದೃಷ್ಟಿ ತಾಗದಂತೆ 
ಮೂಲೆಯಲಿ ನಿಲ್ಲಿಸಿದ 
ಪಂಡಿತರ 
ಹರ್ಕುಲಸ್ ಬೈಸಿಕಲ್ಲು ... 

ಎದುರಗಡೆಯೋ ... 
ಬಕ್ಕಂಬಯಲು ... 
ಬೇಲಿಯಿಲ್ಲದ ಮೈದಾನ.. 
ಭಟ್ಟರ ಅಂಗಡಿಯ 
ಸೈಕಲು ಬಾಡಿಗೆಗೆ ದಕ್ಕಿದರೆ 
ಒಂದು ರುಪಾಯಿಗೆ ಒಂದು ಗಂಟೆ 
ಭರ್ಜರಿ ತುಳಿತ .... 
ಕಲಿಯುವವನಿಗಿಂತ ಕಲಿಸುವವನಿಗೇ 
ಹೆಚ್ಚಿನ ಚಾನ್ಸು .... 

ಊಟವಿಲ್ಲದಿದ್ದರೂ 
ಪರವಾ ಇಲ್ಲ ... 
ಪಕ್ಕದ  ಅಂಗಡಿಯ 
ಪೆಪ್ಪರುಮೆಂಟು 
ಭಟ್ಟರ ಅಂಗಡಿಯ ಬಟಾಣಿ ಕಡಲೆ 
ಹಸಿದ ಹೊಟ್ಟೆಗೆ ಸಮಾಧಾನ 
ಹೇಳುತಿತ್ತು ... 

ಎಡಭಾಗದಲ್ಲಿ ರಾಜವೀಧಿ .. 
ದಿನಕೆ ಮೂರು ಹೊತ್ತಿನ 
ಧೂಮರ ಶಕಟ(ಬಸ್ಸು)ದ ಓಡಾಟ 
ದಿನಕ್ಕೆ ಮೂರು ಬಾರಿ 
ವೈದ್ಯ ಕೊಟ್ಟ ಚೀಟಿಯಂತೆ .. 
ಬೆಳಿಗ್ಗೆ - ಮದ್ಯಾಹ್ನ - ರಾತ್ರಿ .. 

ಗುರುವಾರ ಬಂದರೆ ಸಾಕು ... 
ಆರ್ಭಟಿಸುವ ಚಲನ ಚಿತ್ರದ  ಪ್ರಚಾರಕ 
ಕಾರಿನಲ್ಲಿ  ಆಗಮನ ... 
ನಾಳೆಯಿಂದ  ಪ್ರಾರಂಭ ... 
ನಿಮ್ಮ ನೆಚ್ಚಿನ ಹಿಲ್ ಸೈಡ್ ... 
ಚಿತ್ರ ಮಂದಿರದಲ್ಲಿ ... 
ಹಿಂದಿನಿಂದ ಓಡುವ 
ಹುಡುಗರು'... 
ಭಿತ್ತಿ ಪತ್ರ ಸಿಕ್ಕರೆ 
ಮರುದಿನ ಪಟ್ಯ ಪುಸ್ತಕದ 
ರಕ್ಷಾಕವಚ ... 

ಆಹಾ ... 
ಇನ್ನೂ ಎನೇನೋ ... 
ಬರೆದರೂ ಮುಗಿಯದ ನೆನಪುಗಳು .... 
ಹಿಂತಿರುಗಿ ನೋಡಿದರೆ 
ಗಹ ಗಹಿಸಿ ನಗುವ ನೆನಪುಗಳು ... 

(ಹಳೆಯ ನೆನಪುಗಳು ತಲೆ ಹಿಂಡಿದಾಗ ಬರೆದ ಹುಚ್ಚು ಸಾಲುಗಳು )